ស្ថានភាព​តម្លៃ​ស្រូវវស្សា​នៅក្នុង​ខេត្ត​បាត់ដំបង

srov1 301118ការប្រមូល​ផល​ស្រូវ​វស្សា​បាន​ឈាន​ចូល​មក​ដល់ អ្វីដែល​ប្រជាកសិករ​ទន្ទឹង​រងចាំ​គឺ​ពេល ប្រមូល​ផល​មាន​តម្លៃ​ខ្ពស់​ឬ​តម្លៃ​មួយ​ដែល​អាច​ទទួលយកបាន ។ មាន​ការលើកឡើង​ខុសៗ​គ្នា របស់​កសិករ​រស់នៅ​ក្នុង​ឃុំ​ជ្រៃ ស្រុក​ថ្មគោល​ខេត្ត​បាត់ដំបង ដោយ​មាន​កសិករ​ខ្លះ​ថា តម្លៃ​ស្រូវវស្សា ឆ្នាំនេះ មាន​ការចុះ​ថោក​ជាង​ឆ្នាំមុន​បន្តិច តែ​ក៏​មាន​កសិករ​ខ្លះ​សប្បាយចិត្ត​និង​តម្លៃ​ស្រូវ​ឆ្នាំនេះ​ផងដែរ ។​

​ជា​កសិករ​មួយ​រូប លោក ពូ លុច រស់នៅ​ភូមិ​ក្បាល​ខ្មោច នៃ​ឃុំ​ជ្រៃ​លើកឡើងថា​៖ ចំពោះ​ទីផ្សារ លក់​មិន​ពិបាក​រក​នោះទេ ព្រោះ​មាន​ឈ្មួញ​ចុះមក​ទិញ​ផ្ទាល់ តែ​ក៏​ពិបាក​លក់​ដែរ ប្រសិនបើ​ស្រូវ​យើង មិនល្អ ។ រីឯ​តម្លៃ​ស្រូវវស្សា​វិញ​បើ​ប្រៀបធៀប​និង​ស្រូវប្រាំង​គឺ​មាន​ភាពខុស​គ្នា​តិចតួច ហើយ​តម្លៃ​ស្រូវ វស្សា​ឆ្នាំនេះ​មាន​ការធ្លាក់ចុះ​ជា​ង​ឆ្នាំមុន​។ លោក​បាន​បន្ថែមទៀតថា​៖ លោក​ទទួលស្គាល់​ថា​ស្រូវ ចុះ​ថោក មក​ពី​ស្រូវ​យើង​លិច​ទឹក ឬ​មាន​គេ​ធ្វើ​ច្រើន ហើយ​វា​ក៏​មាន​ផលប៉ះពាល់​មួយចំនួន​ដែរ នៅពេល ស្រូវ​ធ្លាក់​ថ្លៃ ដូចជា​ទូទាត់​ការចំណាយ​ដើមទុន​ទៅ​វិញ​មិន​គ្រប់គ្រាន់ លោក​សុំអោយ​អាជ្ញាធរ ធ្វើយ៉ាងណា​ជួយ​រក្សា​តម្លៃ​ស្រូវ អោយបាន​ហ្នឹង​នរ​ផង ។​

​ចំពោះ​បញ្ហា​នេះ​លោក សួស ឃឿ​ត មេឃុំ​ជ្រៃ នៃ​ស្រុក​ថ្មគោល មាន​ប្រសា​ន៍​ថា​៖ តម្លៃ​ស្រូវ ឆ្នាំ​នេះ​មិន​ន​ខុស ពី​ឆ្នាំ​មុន នោះទេ ហើយ​ភាពខុសគ្នា​តិចតួច​នោះ​មក​ពី ទិន្នផល​ស្រូវ​ដែល​ពួកគាត់ ទទួលបាន​មាន​ភាពខុសគ្នា ដូចជា​ការថែទាំ​ស្រូវ​របស់​ពួកគាត់​ជាដើម ហើយ​ឃុំ​ក៏​បាន​ចូលរួម​ជម្រុញ តាមរយៈ​ការស្វែករក​ទីផ្សារ​ជូន​កសិករផ​ង​ដែរ ។​

​លោក ហ៊ិ​ន វុឌ្ឍី អនុប្រធាន​មន្ទីរ​ពាណិជ្ជកម្ម លើកឡើងថា​៖ រហូតមកដល់​ពេលនេះ​ការ ប្រមូល​ផល​ស្រូវវស្សា​របស់​កសិករ បាន​ប្រមាណ​៥០% នៃ​ផ្ទៃដី​សរុប បើ​និយាយ​ពី​តម្លៃ​វិញ មិន​ខុស ពី​ឆ្នាំ​មុន​នោះទេ ការ​ដែល​ធ្លាក់​ថ្លៃ​នោះ​គឺ​ដូច​កសិករ​លើកឡើង​ចឹង​គឺ អាច​មក​ពី​គុណភាព​ស្រូវ ការជ្រើសរើស​ពូជ​របស់​ពួកគាត់ ការទម្លាក់​ថ្លៃ​របស់​ឈ្មួញ​កណ្តាល ។ លោក​បន្តថា ៖ មន្ទីរ​ពាណិជ្ជកម្ម បាន​សហការ​ជាមួយ​អ្នកពាក់ព័ន្ធ ខាង​រោង​ម៉ាស៊ីន​កិនស្រូវ ពិសេស​គឺ​នៅ​តាម​សហគមន៍​យើង​មាន សមាគមន៍​ទិញស្រូវ​ពី​កសិករ ដើម្បី​អោយ​កសិករ​ងាយ​ស្រួល​លក់ និង បាន​តម្លៃ​ខ្ពស់ លោក​សុំអោយ កសិករ​បើ​អាច​ចងក្រង​ជា​សមាគមន៍​ដើម្បី​ងាយស្រួល ។​

​បើ​តាម​ស្ថិតិ​ផ្ទៃដី ដំណាំ​ស្រូវ​វស្សា ឆ្នាំ ២០១៨ របស់​មន្ទីរ​កសិកម្ម រុក្ខា​ប្រមាញ និង នេសាទ បាត់ដំបង គិត​ត្រឹម​ថ្ងៃទី ២៦ វិច្ឆិកា ដែល​មាន​ប្រភេទ​ស្រូវ ស្រាល ស្រូវ​កណ្តាល ស្រូវ​ធ្ងន់ ស្រូវ​ចំការ ស្រូវ​ឡើង​ទឹក ។ ដែល​ក្នុងនោះ ផ្ទៃ​ដី​អនុវត្ត​បាន​សរុប ប្រមាណ​ជិត ៤​សែន​ហិតា​(៣៦៥,៨៥៩) និង ផ្ទៃ​ដី​ប្រមូល​ផល​សរុប ជាង ៣៥ ម៉ឺន​ហិតា (៣៥៣,៦៤៧)​។

​ចំណែក​តម្លៃ​លើ​ទីផ្សារ​វិញ គិត​ត្រឹម​ថ្ងៃ ២៨ វិច្ឆិកា ស្រូវ​ចាប់ឆាយ​សើ​ម តម្លៃ ៧២៤ ក្នុង​មួយ គី​ឡូត​ក្រាម​, ស្រូវ​សែន​ក្រអូប​សើ​ម​១ តម្លៃ ១,០៧៣.៦/​គម​, ស្រូវ​សែន​ក្រអូប​សើ​ម​២ ៩៨៧.២/ គ​ក , ស្រូវ​ផ្ការំដួល ១,២៧១/ គ​ក​។

​អត្ថបទ​៖ ឌិន មករា

ស្តាប់វិទ្យុផ្សាយផ្ទាល់តាមអ៊ីនធើណេត

ទាញយកកម្មវិធីស្តាប់តាមទូរស័ព្ទ

ios         adriod

អត្ថ​បទ​ពេញ​និយម​

ទទួល​បាន​ព័ត៌​មាន​ថ្មីៗ​ពី​គេហ​ទំព័រ

ចំនួនអ្នកចូលរួមទស្សនា

ផ្សព្វ​ផ្សាយ​ពាណិជ្ជ​កម្ម​

Advertise No Ad

ផ្សព្វផ្សាយពាណិជ្ជកម្ម

Cafee Seang suhong
សន្ទនាមតិ វិទ្យុជាតិចំការចេក FM92.70MHz បាត់ដំបង ទូរស័ព្ទលេខ ៖ ០១៧ ៤៦ ២០០៦ , ០១០ ៤៦ ២០០៦ ។

ហាងលក់បរិក្ខារទូរស័ព្ទ ANKER

UFO

Advertise